250  لجنة مصر العطاء بنقابة الاطباء بسوهاج مع جمعية صحبة الخير وزعت المساعدات دي علي الأسر المتضررين من آثار السيول اللي حصلت من أيام..
حاولنا نوصل للناس المتضررين بالفعل والمحتاجين المساعدة ومش تلقوا مساعدات قبل كدة .. دخلنا بيوتهم وشوفنا الضرر اللي صابهم..
للاسف الوضع اصعب من وصف الكلام بيوت بسيطة فقدت إمكانياتها الابسط اللي كانت بتساعدهم علي الحياة كل الأجهزة البسيطة من تلاجة او غسالة يدوية او بوتجاز صغير اتدمرت وغرقت كل الهدوم والسراير والدواليب كل ده اتدمر .. الحيوانات والطيور والعلف غرق في المية .. بيوت تانية سقفها وقع لأنه كان مصنوع من البوص .. بيوت جانب منها انهار لأنها كانت قديمة ومبنية بالطوب والطين ..
المحافظة سلكت الترعة اللي بتصرف المياه الزايدة علشان المأساة دي مش تتكرر مرة تانية واحنا هانحاول نساعدهم تاني .. اكيد كل واحد فينا ليه دور ..